Japan

日本国
Nihon-koku
Nippon-koku
Japan

Baner Sêl Ymerodraethol
Arwyddair: Dim
Anthem: Kimi ga Yo
Prifddinas	Tokyo
Dinas fwyaf	Tokyo
Iaith / Ieithoedd swyddogol	Japaneg 1
Llywodraeth	Brenhiniaeth gyfansoddiadol
• Ymerawdr  • Prif Weinidog	Akihito Yasuo Fukuda
Ffurfiant	11 Chwefror 660 B.C.
Arwynebedd  - Cyfanswm  - Dŵr (%)	377,835 km² (63fed) 0.8
Poblogaeth  - Amcangyfrif 2005  - Dwysedd	128,085,000 (10fed) 337/km² (30fed)
CMC (PGP)  - Cyfanswm  - Y pen	Amcangyfrif 2005 $3.911 triliwn (3fed) $30,615 (16fed)
Indecs Datblygiad Dynol (2003)	0.943 (11fed) –
Arian cyfred	Yen Japaneaidd (¥) (JPY)
Cylchfa amser  - Haf	JST (UTC+9)
Côd ISO y wlad	.jp
Côd ffôn	+81

Mae Japan (Japaneg: 日本  ynganiad ^?/i Nihon; Nippon) (hefyd Siapan) yn wlad sy'n cynnwys miloedd o ynysoedd yn nwyrain Asia. Fe'i hamgylchynnir gan y Cefnfor Tawel (Taiheiyō), Setonaikai a Môr Japan (Nihonkai). Y gwledydd ger Siapan yw Rwsia, China, Gogledd Korea, De Korea a Taiwan.

Dinasoedd

Prifddinas Siapan yw Tokyo (Tōkyō), canolbwynt gwleidyddol ac economaid y wlad. Dinasoedd pwysig eraill yw Yokohama, Kawasaki a Chiba, ger Tokyo yn yr ardal a elwir yn Kantō (関東　"Giât y Dwyrain"). Yng gorllewin y wlad mae'r ardal Kansai (関西　Giât y Gorllewin), sy'n lleoliad i nifer o ddinasoedd pwysig eraill, megis Ōsaka, Kōbe a Kyōto. Rhai dinasoedd pwysig eraill yw Nagoya (rhwng Kyoto a Tokyo) a Fukuoka yng ngogledd Kyushu.

Daearyddiaeth

Prif erthygl: Daearyddiaeth Japan

Mae miloedd o ynysoedd yn Japan, ond yr ynysoedd mwyaf yw Hokkaidō yn y gogledd, Honshū yn y canol, Shikoku yn y de a Kyūshū yn y gorllewin. Mae Japan yn wlad fynyddig ac ychydig o wastadeddau sydd i'w cael lle y gellir lleoli dinasoedd — y rheswm am y dwysedd poblogaeth uchel. Y copa uchaf yw Mynydd Fuji (富士山　Fuji-san) (3776m).

Gan fod Japan yn rhan o'r Cylch Tân, y gadwyn o losgfynyddoedd o gwmpas y Cefnfor Tawel, ceir llawer o losgfynyddoedd, daeargrynfeydd a ffynhonnau poeth yn Japan.

Gwleidyddiaeth

Prif erthygl: Gwleidyddiaeth Japan

Mae Japan yn deyrnas seneddol. Ceir Tenno (天皇Ymerawdwr) a senedd, system tebyg iawn i'r hyn sydd ym Mhrydain.

Economi

Prif erthygl: Economi Japan

Yn Japan, mae diwydiant a'r gwasnaethau yn bwysig iawn, llawer mwy na'r amaethyddiaeth. Gan fod prinder o adnoddau yn y wlad, mae'n rhaid mewnforio olew, haearn ac ati. Mae'r wlad yn allforio cynhyrchion technologol, er enghraifft ceir neu cynhyrchion trydanol a cemigol.

Poblogaeth

Prif erthygl: Poblogaeth Japan

Mae mwyafrif y bobl yn Japaneaid, a'r iaith swyddogol yw Japaneg.

Yng ngogledd y wlad y mae grwp o bobl a elwir yr Ainu yn byw. Pobl wreiddiol ardal gogledd-ddwyrain Siapan. Mae mwyafrif y tramorwyr sy'n byw yn Siapan yn dod o Frasil a Korea.